Kuch nahin kehna

By | August 8, 2014

Hum ney soch Rakha hai
Chahay dil kee har khawhish
Zindagi kee aankhon sey
Ashak ban key beh jaaay
Ghar kee saari deewaren
Chhat samait gir jaaen
Or bey muquddar hum
Iss badan key malbay mein
Khud hee kiyun na dab jaaen
Tum sey kuch nahein kehna
Kaisee neend thee apni
Kaisay Khawab thay apnay
Or ab gulabon per
Neend waali aankhon per
Nurm khoo sey khawabon per
Kiyun azaab tootay hein
Tum sey kuchh nahein kehna
Ghhir gaey hein raaton mein
Bay libas baaton mein
Iss tarah kee raaton mein
Kab charagh jaltay hein
Kab azaab taltay hein
Ab tu in azaabon sey
Bach ke bhee niklnay ka
Raasta nahein jaanan
Jis tarah tum ko bhee
Laazawal lamhon sey
Wasta nahein jaanan
Hum ne soch rakha hey
Tum se kuch nahein kehna!!

One thought on “Kuch nahin kehna

Leave a Reply

Your email address will not be published. Required fields are marked *